അമ്മ നിഴൽ

ഇരുട്ടു വെളിച്ചമാവും പോഴും
മറഞ്ഞു പോവാതെ ഒരമ്മ നിഴൽ

വരച്ച ചിത്രങ്ങളിലെ
നിറമില്ലായ്മ മായ്ച്ചു
മായജാല പെൻസിൽ
നനച്ചോടിയ മഴക്കാലത്തിന്റെ
നനവു പേറുന്ന
മഞ്ചിരട്ടകൾ
കള്ള കരച്ചിലും പൊള്ള
ദേഷ്യങ്ങൾക്കും
കുഞ്ഞടികൾക്കുമപ്പുറം
ഉറക്കം പോയ അമ്മക്കണ്ണുകൾ
നീയും ഞാനുമെന്ന
ഇരുട്ടിനും വെളിച്ചത്തിനും
അകം പുറം മറിയാൻ
ഒരു നിഴൽക്കൂത്തും..

മുറിവോര്‍മ്മകള്‍..

വഴുവഴുത്ത
ഓര്‍മ്മകള്‍ തട്ടിവീണ്‌
നെറ്റി മുറിഞ്ഞ
ഉപ്പു ചുവ..

ഉപ്പുവെള്ളത്തില്‍
മുക്കിയ തുണി
വീണ്ടും
ചുട്ടു നീറ്റുന്ന
മുറിവോര്‍മ്മകള്‍..
വഴുക്കുമെന്ന്,
വീഴുമെന്നും
നീയും ഞാനുമറിഞ്ഞിട്ടും
നമ്മളോടിയ
വഴിവഴുക്കുകള്‍.... !